راولپنڈی۔27دسمبر (اے پی پی) پاک فوج دے سربراہ جنرل قمر جاوید باجوہ نال چیف آف جنرل سٹاف ترک لینڈ فورسز لیفٹیننٹ جنرل ویلی تراکجی ملاقات کیتی۔ ملاقات اچ علاقائی سلامتی دی صورتحال، آپسی اتے پیشہ وارانہ دلچسپی دے معاملے خصوصی طور ݙوہیں برادر ملکاں وچال دفاعی اتے سکیورٹی تعاون تے ڳالھ مہاڑ کیتی ڳئی۔ پاک فوج دے شعبہ تعلقات عامہ دے مطابق آرمی چیف آکھیا جو اساں ترکی نال آپݨے برادرانہ تعلقات کوں ٻہوں اہمیت ݙیندوں جیڑھے جو گھاٹے تاریخی، ثقافتی اتے مذہبی وابستگیاں نال جڑین۔ انہاں افغانستان اچ امن اتے مفاہمت دے اقدامات دی اہمیت اتے انسانی بحران توں بچݨ کیتے مخلصانہ بین الاقوامی کوششاں دی لوڑھ تے زور ݙتا۔ ایں موقع تے ݙوہیں فریقاں خصوصی طور تربیت اتے انسداد دہشت گردی دے شعبیاں اچ فوجی تعلقات کوں ٻیا بہتر کرݨ تے اتفاق کیتا۔
مضمون کا ماخذ : apostas dupla sena
