بيجنگ – 13 مئي (اي پي پي) وزيراعظم محمد نواز شريف چيو آهي ته پاڪستان چين جي ون بيلٽ ون روڊ (او بي او آر) منصوبي جي ڀرپور حمايت ڪري ٿو، خطي جي استحڪام لاءِ ان منصوبي جي مڪمل ڪرڻ ۾ پنهنجو ڀرپور ڪردار ادا ڪرڻ جي لاءِ چين سان گڏجي ڪم ڪندو. بيجنگ جي عظيم عوامي هال ۾ وزيراعظم محمد نواز شريف چين جي وزيراعظم لي ڪي يانگ سان ملاقات ڪئي، ملاقات ۾ ڏکڻ ايشيا جي خطي ۽ عالمي سطح تي پائيدار اقتصادي ترقي جي حوالي سان مختلف خطن جي رابطن ۽ واپار ۾ فروغ تي خيالن جي ڏي وٺ ڪئي وئي. ملاقات دوران ڌرين پاڪ چين اقتصادي لنگهه (سي پيڪ) تي ڪم جي رفتار جو جائزو ورتو جيڪو چين جي صدر زي جن پنگ جي ون بيلٽ ون روڊ نظريي جو اهم ۽ بنيادي حصو آهي.
مضمون کا ماخذ : پاور بال
