اسلام آباد ۔ 20 مارچ (اے پی پی) صدر مملکت ڈاکٹر عارف علوی آکھیے جو90 فیصد بیماریواں دی وجہ ڈنداں دی صفائی نہ ہوونڑ اے ، حضورﷺ وی مسواک دی تاکید کیتی اے تے ایں بارے بہوں ساریاں حدیثاں ہن ، سنت دی پیروی اتے طہارت دے اہتمام نال ڈنداں دی صفائی صحت کیتے بہتر ہوسی ، روزانہ چنگی طرح ڈینھ اچ ڈو واری برش کیتا ونجے ۔ بدھ کوں منہ اتے ڈنداں دی صفائی دے عالمی ڈینھ تے موقع تے اپنڑے ویڈیو پیغام اچ صدر مملکت آکھیے جو ڈنداں دیاں بیماریاں دے حوالے نال میکوں یقین اے جو 90فیصد بیماریاں ڈنداں دی صفائی نہ ہوونڑ دی وجہ توں تھیندن ،ڈو بیماریاں وڈیاں اہم ہن جیں اچ ہک مسوڑھیں توں خون آونڑ تے ڈنداں دا ہلنڑ اے جڈاں جو ڈوجھی بیماری ڈنداں کوں کیڑا لگنڑ اے ۔ اگر برش کیتا ونجے تاں اے ڈوہیں بیماریاں کائناں تھیسن اینکوں پوری احتیاطی تدبیر آکھ سگدوں ۔ صدر مملکت آکھیے جو میں آکھنڑ چاہندوں جو حضور ﷺ دیاں طہارت دے حوالے نال15 توں20 حدیثاں ہن جیں اچ آپ ﷺ مسواک دی تاکید کیتی اے ، آپ ﷺ کوں ڈنداں توں بوں آونڑ نال نفرت ہئی تے کتھائیں وی ویندے تاں مسواک کریندے ہن ، وضو کریندے تاں مسواک کریندے تے رات کوں اٹھدے تاں مسواک کریندے ۔انہاں دی پیروی دے اعتبار نال وی اے ڈنداں دی صحت دا خیال رکھنڑ دی بہترین مثال اے
نوے فیصد بیماریاں دی وجہ ڈنداں دی صفائی نہ ہوونڑ اے ،،صدر مملکت دا ڈنداں دی صفائی دے عالمی ڈینھ دے موقع تے وڈیو پیغام
اسلام آباد ۔ 20 مارچ (اے پی پی) صدر مملکت ڈاکٹر عارف علوی آکھیے جو90 فیصد بیماریواں دی وجہ ڈنداں دی صفائی نہ ہوونڑ...
مضمون کا ماخذ : لوٹومینیا اکومولڈا
